Радио

Спорт бизнес коомчулугу менен иштешүүгө бел байлайт. Агенттиктин демилгеси

Маданият, маалымат, спорт жана жаштар саясаты министринин орун басары, Дене тарбия жана спорт департаментинин директору Канат Шабданбаев Дене тарбия жана спорт жөнүндө мыйзамга өзгөртүүлөр кирерин айтты.
Sputnik
Рынок экономикасына байланыштуу кыргыз спорту реформаларды талап кылууда. Спорт ири аудиторияны камтыгандыктан бизнес коомчулугу менен тыгыз иштешип, өнүктүрүү жолдорун карап жатабыз. Бул тууралуу Канат Шабданбаев Sputnik Кыргызстан радиосуна маек куруп жатып билдирди.
Анын айтымында, спорт тармагын бизнес менен туура айкалыштырып, иш алып барса мамлекеттик каржыга көз каранды болбой калат.
"Рынок экономикасына байланыштуу кыргыз спорту реформаларды талап кылууда. Спорт ири аудиторияны камтыгандыктан бизнес коомчулугу менен тыгыз иштешип, өнүктүрүү жолдорун карап жатабыз. Мисалы, балдар спортун өнүктүрүүгө багытталган өлкө тарыхындагы эң ири улуттук "Мектеп лигасы" долбоорунун сайтына бир айда 156 миң адам кирген. Биз муну туура пайдалануу аркылуу жакшы жетишкендиктерге жете алабыз. Албетте, "Дене тарбия жана спорт жөнүндө" мыйзамга өзгөртүүлөрдү киргизип, бардык тараптын пикирин да угуу керек. Мисалы, Өзбекстанда спортту колдоо, өнүктүрүү бир топ өзгөртүүлөргө дуушар болгон. Бүгүнкү күндө алар жакшы үлгү көрсөтүүдө. Себеби спорт тармагын бизнес менен туура айкалыштырып, иш алып барса мамлекеттик каржыга көз каранды болбой калат", — деди Шабданбаев.
Ошондой эле адис спортту жайылтууда медиалар менен тыгыз байланышта иштеп, коммуникативдик багытты жакшыртуу керектигин кошумчалады.