БИШКЕК, 21-янв. — Sputnik. Узаган 2022-жылда Энергетика министрлигине 9 миллиард 530,4 миллион сом берилди. Бул туурасында Финансы министрлигинин маалымат кызматы билдирди.
Анын ичинен:
1 миллиард 705,6 миллион сому бюджеттен бөлүнгөн;
атайын эсептин каражаттары — 24,4 миллион сом;
мамлекеттик инвестиция — 7,8 миллиард сом.
Жергиликтүү бюджеттерден каржыланган мекемелер тарабынан керектелген электр энергиясынын чыгымдарын жабууга жергиликтүү мамлекеттик администрацияларга 831,2 миллион сом каралган.
Мындан сырткары, былтыр энергетика тармагына 10 миллиард 567,5 миллион сом кредит алынган.