БИШКЕК, 21-янв. — Sputnik. Акыркы суткада май куюучу жайлардын биринде бензин арзандап, евронун курсу бир аз көтөрүлсө, доллар мурунку калыбында турат.
Жума күнкү таңга салыштырмалуу доллардын орточо курсу өзгөргөн жок. Бүгүн АКШ акчасы 86,2 сомдон сатып алынып, 87,2 сомдон сатылууда.
Бирок евро кечээги күнгө карата 9 тыйынга кымбаттады: 93,58 сомдон сатып алынып, 94,58 сомдон сатылууда.
Ал эми бүгүн бир рубль 1,28 сом болсо, бир теңгени 0,2 сомго сатып алууга болот.
"Роснефть" май куюучу станциялар тармагында АИ-92 жана АИ-95 үлгүсүндөгү бензиндин баасы 1,2 сомго арзандады. Учурда АИ-92 майы 56,3 сом болсо, АИ-95 майы 62 сом турат.
Улуттук банк дем алыш күндөрү алтын куймаларын сатпайт.