БИШКЕК, 18-янв. — Sputnik. Бишкек — Нарын — Торугарт унаа жолунда жол кырсыгы катталып, бир адам каза болду. Бул тууралуу Чүй ОИИББ маалымат кызматы билдирди.
Анда ВАЗ-2107, Mercedes-Benz жана Mercedes-Benz Sprinter үлгүсүндөгү унаалар кагышканы айтылат.
Кырсыктын кесепетинен Mercedes-Benz унаасында бараткан 36 жаштагы эркек киши каза болгон. Спринтердин беш жүргүнчүсү жаракат алган.
Ал эми "Жигулинин" алдыңкы кузову катуу соккудан улам экиге бөлүнүп калган.