БИШКЕК, 18-янв. — Sputnik. Жогорку Кеңештин депутаты Таалайбек Масабиров конокторду тосуп алууда айтылуучу сөздүн кайсынысы туура экенин билүүгө кызыкты.
"Бир эле суроом бар да сизге. "Кош келиңиздер" дейт, бирок ал коштошуп жаткан сыяктуу сөз да. Ал эми кээ бир жерде "куш келиңиздер" дейт. Ошонун кайсынысы туура?" — деп кайрылды депутат.
Мамлекеттик тил жана тил саясаты комиссиясынын төрагасынын орун басары Жылдыз Орозобекова "кош келиңиздер" десе да, "куш келиңиздер" десе да болорун, экөө тең туура экендигин айтты.