БИШКЕК, 17-янв. — Sputnik. Мындан 77 жыл мурда, дал ушул күнү, тагыраагы, 1945-жылы 17-январда Варшава гитлерчилерден бошотулган. Бул тууралуу Sputnik Ближнее зарубежье тарыхый видео жарыялады.
Биринчи Беларусь фронтунун жана Польшанын 1-армиясынын күчтөрүнүн төрт күндүк операциясы ийгиликтүү болгон.
Басып алган беш жыл ичинде немецтер шаарды дээрлик жок кылып салган:
90 пайыз өнөр жай курулуштары;
90 пайыз архитектуралык эстеликтер;
72 пайыз эл жашаган үйлөр.
Варшаванын согушка чейинки 1 310 000 калкынан 162 000 киши гана калган.
Москва Варшаваны бошотууну 324 куралдан 24 ирет атуу менен белгилеген.
Жеңиштин урматына граниттен "Братерство брони" деп аталган монумент тургузулган. Гранитке польша жана орус тилинде төмөнкү сөздөр чегилип жазылган:
"Польша элинин эркиндиги жана көз карандысыздыгы үчүн өмүрүн берген Совет армиясынын баатырларына — куралдаштарга даңк!"
Ал эми 2011-жылы ноябрь айында эстеликти алып салышкан.