БИШКЕК, 13-янв. — Sputnik. Кыргызстанда былтыр 16 турак жай кооперативинин үстүнөн арыз түштү. Бул туурасында ИИМдин тергөө кызматынын бөлүм башчысы Султан Макилов билдирди.
Ал Sputnik Кыргызстан маалымат борборунда өтүп жаткан "Турак жай кооперативдеринин келечеги жана ага алдангандардын тагдыры" аттуу тегерек столго катышууда.
© Sputnik / Акбар Акжигитов
"Ар бир турак жай кооперативинин аталышын айтпай эле коёюн. 1 524 кылмыш иши козголду. Бул — биз "кылмыштын курамы бар, соттук кароого жатат" деп аныктагандан кийинки сандар. Алданып калгандар көп. Жарандар зыян тарткан каражаттын суммасы 900 миллион сомдон ашуун", — деди Макилов.
Аны менен катар ал тергөөнүн алкагында 110 миллион сомдой өндүрүлгөнүн белгиледи.