БИШКЕК, 8-янв. — Sputnik. Бишкектин Ленин РИИБи 14 жаштагы Акылбек Таалайбековду издеп жатканын кабарлады.
Маалыматта баланын апасы бүгүн эртең менен арыз менен кайрылганы айтылган. Өспүрүм 7-январь күнү таңкы саат 5:00дөр чамасында Арча-Бешик конушундагы үйүнөн чыгып кеткен боюнча дайынсыз болууда.
Аталган факт каттоого алынып, издөө аракеттери көрүлүп жатат.
Белгилери: бою 165-170 сантиметр, арыкчырай, чачы, көзү кара. Оң жаагында тырыгы бар. Кара түстөгү куртка, шапке, шым кийип, велосипед тээп жүргөн.
Милиция Акылбек Таалайбековдун жүргөн жерин билгендер же баланын өзүн көргөндөр болсо 0(550) 223-333, 0(704) 447-770, 0(703) 401-600 же күнү-түнү иштеген 102 номерине кабарлап коюуну өтүндү.