БИШКЕК, 3-янв. — Sputnik. Россиянын президенти Владимир Путин аскер кызматкерлери үчүн кошумча социалдык кепилдиктер жөнүндө жарлыкка кол койду. Документ укуктук маалыматтын интернет-порталында жарыяланды.
Жарлыкка ылайык, Украинадагы атайын операция учурунда каза болгон аскерлердин үй-бүлөлөрүнө, Ички иштер министрлигинин жана Улуттук гвардиянын кызматкерлерине 5 миллион рублдан төлөнөт. Жаракат алгандар 3 миллион рублдан алынат.
Россия 24-февралда баштаган Украинадагы атайын операциясын улантып келет. Максаты "сегиз жылдан бери Киев режиминин кордугуна, кыргынына дуушар болгон" Донбасстын элин коргоо зарылдыгы деп белгиленген. РФ президентинин айтымында, бул үчүн "Украинада денацификациялоо жана демилитаризация жүргүзүп", аскер кылмышкерлеринин баарын сот жообуна тартуу керек. Күзүндө Россиянын курамына ДЭР, ЛЭР, Запорожье жана Херсон облустары кирген.