БИШКЕК, 26-дек. — Sputnik. КМШ өлкөлөрүнүн ортосунда түшүнбөстүктөр жаралууда, бирок мамлекеттер аны өз алдынча чечүүгө аракет кылып жатат. Бул туурасында Россиянын президенти Владимир Путин билдирди.
Ал бүгүн Санкт-Петербургда КМШ өлкөлөрүнүн башчыларынын бейформал жолугушуусун ачып жатып сүйлөгөн.
"Башкысы, биз даярбыз жана кызматташа беребиз. Жадагалса кандайдыр бир көйгөйлүү маселе жаралса, аны өз алдыбызча — биргеликте, бири-бирибизге жолдоштук жардамдарын көрсөтүү жана ортомчулук кылуу менен чечүүгө аракет кылабыз", — деди Путин.
Ошондой эле ал эл аралык аренадагы чакырыктар жана коркунучтар күчөгөнүн эске салды.
Андан соң саммит жабык эшик артында уланды. КМШнын мамлекет башчылары узап бараткан жылдын жыйынтыгын чыгарып жатат.