БИШКЕК, 25-дек. — Sputnik. Бишкектин четиндеги Ордо коттедждер шаарчасында жайгашкан Villa V Club рестораны күйүп кетти. Бул туурасында Өзгөчө кырдаалдар министрлиги кабарлады.
Билдирмеге караганда, Аламүдүн районунун Орто-Сай айылындагы ресторандан өрт чыкканы тууралуу саат 11:00 чамасында маалымат түшкөн. Өрттү өчүрүүгө үч бригада барган. Кошумча 11:18де штаб, 11:23тө суу ташуучу унаа, 11:45те атайын унаа менен ыкчам топ тартылган.
Тилсиз жоо саат 12:05те чектөөгө алынып, учурда толук өчүрүү иши жүрүүдө.
Кырсыктан жабыркагандар жок.