БИШКЕК, 24-дек. — Sputnik. Президент Садыр Жапаров 24-25-декабрда иш сапары менен Баткен облусуна барарын анын маалымат кызматы билдирди.
"Президент сапардын жүрүшүндө чек ара аймактарын калыбына келтирүү иштеринин жүрүшү, ошондой эле бир катар инфраструктуралык жана өнөр жай объектилеринин абалы менен таанышат", — деп айтылат маалыматта.
Мындан тышкары, Жапаров аймактагы ички жолдорду реконструкциялоонун жүрүшүн көрөрү айтылды.