БИШКЕК, 24-дек. — Sputnik. Нарын районунун Жерге-Тал айыл өкмөтүнө караштуу Жалгыз-Терек айылында Алтын Акматова атындагы ФАПтын курулуш иштери бүткөрүлүп, пайдаланууга берилди. Бул тууралуу аймактык кабарчы билдирди.
Объектинин курулуш иштери 2021-жылы башталып, ал "Катар" кайрымдуулук уюму тарабынан каржыланып, бүткөрүлдү. Ошондой эле ушул уюм тарабынан ФАПтын ичине эмеректер сатылып алынган.
Анын жалпы сметалык баасы 4 миллион 300 миң 428 сомду түзгөнү айтылды.