БИШКЕК, 18-дек. — Sputnik. Кыргызгидромет агенттиги келе жаткан жумага карата Ысык-Көл облусундагы аба ырайынын божомолу тууралуу маалымат берди.
Облуста жуманын башында жаан-чачын күтүлбөйт.
21-22-декабрда айрым жерлерде кар жаайт. Бирок 23-24-декабрда күн ачылат.
Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, 22-декабрда айрым жерлерде 15-20 метрге жетет.