БИШКЕК, 18-дек. — Sputnik. Президент Садыр Жапаров бүгүн, 18-декабрда, эмир шейх Тамим бен Хамад Аль Танинин чакыруусу менен Катарга келди. Бул тууралуу өлкө башчынын маалымат кызматы кабарлады.
Мамлекет башчынын учагы Доха шаарындагы "Хамад Интернешнл" эл аралык аэропортуна конду.
Сүрөттөрдөн жерге килем төшөлүп, Ардак кароол тизилгенин көрүүгө болот. Жапаровду траптан Катардын спорт жана жаштар министри Салах бин Ганим Аль Али тосуп алды.