БИШКЕК, 18-дек. — Sputnik. Аргентинанын футбол боюнча курама командасы дүйнө чемпиону болду.
Катарда өткөн биринчиликтин финалдык беттешинде Аргентина Франциянын футболчулары менен кез келген. Биринчи таймда Аргентина эки гол киргизди. Бирок экинчи таймда франциялыктардын чабуулчусу Мбаппе кыска убакыттын ичинде эки топ киргизип, эсепти теңеди.
Негизги оюн аяктагандан кийинки жарым сааттык оюнда да Месси менен Мбаппе бирден топ киргизип, кошумча убакыттагы беттеш дагы 3:3 болуп тең чыкты.
Оюнга пенальтилер сериясы чекит койду.