БИШКЕК, 17-дек. — Sputnik. Кыргызгидромет агенттиги алдыдагы аптада Ош облусунда күн жылуу боло турганын билдирди.
Маалыматка караганда, 18-20-декабрда күн ачык бойдон турат. Жекшембиде айрым жерлерде туман түшүшү мүмкүн. 21-декабрда кечке чукул айрым жерлерде кар жаайт. Жаан-чачын 23-декабрда басылып, апта аягына чейин күн ачык турат.
Жолдорго муз тоңуп, тайгак болот. Батыштан соккон шамалдын ылдамдыгы секундасына 4-9 метрге жетиши күтүлөт. Ош шаарында жана өрөөндөрдө күндүз абанын табы +10 градуска чейин көтөрүлөт.