БИШКЕК, 13-дек. — Sputnik. Жетимишке чукул киши кирип келип, Украинанын Ивано-Франковскидеги православдык чиркөөсүнүн канондук храмындагы сыйынууну үзгүлтүккө учуратууга аракет кылган. Бул тууралуу Sputnik Ближнее зарубежье өзүнүн Telegram-каналына окуянын видеосун жайгаштырды.
Украинанын полиция кызматкерлери чагымчылардын тизгинин тартууга эч кандай аракет кылган эмес. Уруш чыгарганы келгендерди эл өзү аракет кылып кууп чыккан. Анткен менен бул бөлүп-жаргычтарды токтото алган эмес.
Мындан кийин алар үч сааттай кетпей, сыйынууга келгендерди сыртка чыгарбай, антироссиялык ураандарды кыйкырып турушкан. Украиналык улутчулдар менен болгон кагылышты окуяга күбө болгондор жарыялашкан.