Ушул жылы аңчылыктан мамлекеттик бюджетке болжол менен 150 миллион сомдун тегерегинде акча түшөт. Анын 35 пайызы айыл өкмөттөргө, 65 пайызы бюджетке чегерилет. Бул тууралуу Адис Мадиев Sputnik Кыргызстан радиосуна маек куруп жатып билдирди.
Анын айтымында, Кыргызстандагы мергенчилик чарбалардын көбү чет өлкөлүк компаниялар.
"2019-2020-жылы пандемияга байланыштуу өлкөгө аңчылык кылуу үчүн чет мамлекеттен турист келген эмес. Учурда дүйнөдөгү геосаясий абалга байланыштуу европалык мергенчилердин көбү Кыргызстанга да кызыга баштады. Ага байланыштуу министрлик Улуттук илимдер академиясынын адистери менен макулдашып, квоталардын санын көбөйтүү маселесин талкуулаганбыз. Аңчылык катуу көзөмөл менен жүрөт. Кыргызстанга быйыл аңчылык кылууга 400дөн ашык чет өлкөлүк турист келди. Ал эми ушул жылы аңчылыктан мамлекеттик бюджетке болжол менен 150 миллион сомдун тегерегинде акча түшөт. Анын 35 пайызы айыл өкмөттөргө, 65 пайызы бюджетке чегерилет. Биздеги мергенчилик чарбалардын көбү чет өлкөлүк компаниялар", — деди Мадиев.
Ошондой эле адис бүгүнкү күндө жапайы жаныбарлардын санагы жүрүп, аларга байкоо жүргүзүлүп жаткандыгын кошумчалады.