БИШКЕК, 12-дек. — Sputnik. Түркия парламентинин депутаттары бир аптада жаатташып, эки ирет мушташты.
Sputnik Азербайжандын жазганына караганда, Түркия ИИМинин жетекчиси Сулейман Сойлу оппозициячылардын дарегине "Силер АКШнын балдарысыңар" дегенден кийин ортодо чатак чыгып кеткен. Бири-бирине кол көтөрүүнүн кесепети, парламентарийлердин биринин кардиостимуляторун алмаштырууга аргасыз кылган.
Андан мурдагы мушташ 6-декабрда бюджетти талкуулап жатканда чыккан. Анда эл өкүлү Хусейн Орс башынан жаракат алган.