БИШКЕК, 12-дек. — Sputnik. Өлкөдөгү эң ири компаниялардын бири — "Электр станциялары" ишканасынын жетекчиси алмашып, Осмон Качкынбаев башкы директорлукка дайындалды. Бул тууралуу ишкананын маалымат кызматынан кабарлады.
Качкынбаев кызматынан ден соолугунан улам баш тарткан Айбек Айдаралиевдин ордуна келген.
Маалымат
Осмон Качкынбаев 1977-жылы туулган. "Гидротехникалык курулуш" адистигине ээ. Эмгек жолун "Нарын гидро-энергокурулуш" ишканасында мастердин жардамчысы болуп иштөөдөн баштаган.
Буга чейин "Электр станциялары" ишканасынын Камбар-Ата ГЭС-1 жана ГЭС-2 филиалдарында директор болуп иштеген.
"Электр станциялары" республикадагы электр кубатынын 98 пайызын өндүрөт. Компаниянын курамына жети ГЭС, эки ТЭЦ жана "Бишкек жылуулук" ишканасы кирет.
Күнүнө 12-14 миллиард киловатт-саат электр энергиясын өндүрүп турат.