БИШКЕК, 9-дек. — Sputnik. Кыргызстан Азербайжанга топоз экспорттой баштады. Бул тууралуу Айыл чарба министрлигинин маалымат кызматы билдирди.
Кыргызстандын "Сактан" кооперативи жана "Агросервис" компаниясы менен Азербайжан тараптын ортосунда макулдашууга кол коюлган. Ага ылайык, 100 топоз 115 миң долларга бааланган.
Учурда Ветеринардык кызмат тарабынан малды экспорттоого керектелген документтердин баары даярдалганы белгиленди.
Айыл чарба министрлиги аталган иштер Азербайжан менен Кыргызстандын президенттеринин сүйлөшүүлөрүнүн натыйжасында жүзөгө ашып жатканы кошумчаланды.
Өлкөдө жалпысынан 53,9 миң топоз бар, ал эми беш топоз чарбасы иштейт.