БИШКЕК, 2-дек. — Sputnik. Россиянын Аба-космостук күчтөрү Сары-Шаганда (Казакстан) ракетага каршы жаңы системаны иштетип, учургандыгын РФтин Коргоо министрлигине таянып РИА Новости жазды.
Сары-Шаган полигонунда Стратегиялык багыттагы ракеталык күчтөр (Казакстан) менен Россиянын Аба-космостук күчтөрүнүн (АКК) абадан жана ракетадан жасалган соккуга каршы туруучу түзүмү менен биргелешип РФтин жаңы системасын сынап учурушкан.
Видеону аталган агенттик өзүнүн Telegram-каналына койду.
РФтин Аба-космостук күчтөрүнүн ракета менен болчу чабуулдан коргонуу бөлүгүнүн командири генерал-майор Сергей Грабчук аталган курал бир нече ирет болгон сыноодон жакшы өткөндүгүн билдирген. Ал эми аскерлер бутаны так мээлеп, берилген тапшырманы так аткаргандыгын белгилеген.