БИШКЕК, 29-ноя. — Sputnik. Кытай Гунчжоу шаарында 80 миң орунга ылайыктап карантиндик борбор куруп жатканын жергиликтүү "Янчэнпай" маалымат порталына таянуу менен РИА Новости кабарлады.
Долбоордун жалпы аянты 815 чарчы метр болсо, курулуш 530 чарчы метрге түшөт. Анда борборлоштурулган карантинден өтүүгө ылайыкташтырылган 21 870 бөлмө болот, курулуш бүткөндөн кийин бир убакта 80 миң кишини кабы алууга жол ачылат.
14-ноябрдан бери күнү-түнү жүрүп жаткан курулушка контейнер ыкмасы пайдаланылууда. 18 миң киши иштеген долбоор — учурда Гуанчжоудагы салынып жаткан эң ири курулуш.
Акыркы маалымат боюнча, медициналык персонал үчүн 1 120 орун, 96 кеңсе бөлмө жана бейтаптарды изоляциялоо үчүн 1 300 бөлмө даяр болду.
"Карантиндик жайлардан тышкары таштанды жыйноочу пунктулар, унаа токтотуучу жана автобустарды дезинфекциялоочу аянтчалар, обочолонгон бейтаптардын кирген-чыккан өзүнчө жайларын камтыган функционалдык зоналар каралган", — деп айтылат маалыматта.
Акыркы убакта Кытайда эпидемиологиялык абал кайрадан начарлап бара жатат. Мындан улам бир катар шаарларда чектөөлөр киргизилип, тургундар күн сайын ПЦР-анализ тапшырууга мажбур болушууда. 24-ноябрдан тарта Пекин, Шанхай баштаган ири шаарларда оору күчөгөндүктөн чектөөлөр катаалдашты.