БИШКЕК, 28-ноя. — Sputnik. Канат Абдрахматов Улуттук илимдер академиясынын президенти болуп шайланды. Маалыматты аталган мекеме тастыктады.
Ага ылайык, академиянын жетекчисин шайлоо бүгүн, 28-ноябрда, өткөн. Ага министрлер кабинетинин төрагасы Акылбек Жапаров да келди. Абдрахматов аталган кызматка жалгыз талапкер болгон, ал 15-ноябрдан бери Улуттук илимдер академиясынын президентинин милдетин аткарып жаткан.
2017-жылдан ушул мезгилге чейин мекемени Мурат Жуматаев жетектеп келген.
Абдырахматов 69 жашта, буга чейин Улуттук илимдер академиясынын алдындагы Сейсмология институтунда директор кызматын аркалаган.