БИШКЕК, 27-ноя. — Sputnik. Welt немец басылмасынын окурмандары НАТОнун башкы катчысы Йенс Столтенбергдин батыш өлкөлөрү башынан кечирип жаткан каржылык кыйынчылыктарга карабай Украинага жардам берүүнү улантышы керек деген пикирин сынга алышууда. Бул тууралуу РИА Новости жазды.
Муну менен катар эле башкы катчы интервьюсунда Германиядан берилип жаткан жардамдын маанилүүлүгүнө токтолуп, ал адам өмүрүн сактап жатат деп билдирген болчу.
"Украинадагы каатчылык саясий чечимдерге өтөмуктаж, бирок Столтенберг — жеңүүчү согуш тааласында аныкталган орто кылымдардагы ойменен калып калган, алсогуштун тарапкери", — деп жазган интернет-колдонуучулардын бири.
"Столтенбергдин айткандары Төртүнчү рейхти эске салды", — деген дагы бир колдонуучу.
"Кызык, НАТО кайсы бир учурда өлкөлөрдү тынчтык жолу менен сүйлөшүүгө чакырды беле? Же согушсуз капчыкты толтуруу кыйынбы?" — деген суроону жолдогон окурмандардын бири.
Талкуунун катышуучуларынын бири: "Курал-жарактын баарын жок кылып, сүйлөшүүгө убакыт келди! Кыш жакындап калды, мунун баарын жөнөкөй жарандар төлөгөнгө туура келет", — деген.
"Курал адамдын өмүрүн сактайт дегени мен үчүн жаңылык болду. Буга чейин дайыма курал адамдын өмүрүн алат деп ойлочумун. Столтенберг таң калтырууну токтотпойт го", — деген дагы бир окурман.
"Курал эч качан адамдын өмүрүн сактаган эмес. Өмүрдү тынчтык жолу менен сүйлөшүүлөр сактайт. НАТО өкүлдөрүнүн куралга болгон сүйүүсү — аша чапкандык. Силердин абийириңер ойгонушу үчүн дагы канча адам өлүшү керек", — деген пикир жазылган НАТОнун башкы катчысынын интервьюсуна.
Welt басылмасына берген интервьюсунда НАТОнун башкы катчысы азыр Европа өлкөлөрүнүн жашоочулары азык-түлүк, электр энергиясынын кымбатташынан оор кырдаалды башынан өткөрүп жатканына, соңунда бир топ оорчулуктар жараларына карабай алар Украинага жардам берүүнү күчөтүү керек деген.
Россия 24-февралда Украинада аскердик атайын операция жүргүзгөн. Буга байланыштуу АКШ жана анын союздаштары ондогон миллиард долларларды бөлүү менен киевдик режимди куралдандырууда. Москва бир нече жолу Батыштын курал-жарак ташышы жаңжалдын узарышына гана алып келерин, ал эми курал алып келген ар бир транспорт Россия армиясынын мыйзамдуу максаты болорун айтып келет.