БИШКЕК, 27-ноя. — Sputnik. Бишкектин Киев жана Панфилов көчөлөрүнүн кесилишинде жол кырсыгы болду. Маалыматты окуянын күбөлөрү тастыктап, кырсыктын видеосу интернетке тарады.
Видеодон кичи автобустун кулап калганы көрүнөт. Тез жардам кызматы окуя болгон жерге эки бригада жөнөтүлгөнүн билдирди.
ИИМдин ЖККК башкы башкармалыгы маршрутка менен Honda Odyssey автоунаасы саат 14:00 чамасында сүзүшкөнүн тастыктады.
"Кырсыктан кичи автобустагы төрт жүргүнчү жабыркап ооруканага жеткирилген. Кырсык болгон жерде Кайгуул милиция иштеп жатат", — деп айтылат блидирүүдө.
Чакан автобуста онго жакын жүргүнчү, ал эми жеңил автоунаада эки адам бара жаткан.