БИШКЕК, 27-ноя. — Sputnik. АКШда 1992-жылы тоңдурулган эмбриондордон эгиз балдар төрөлдү. Бул тууралуу CNN жазды.
Ымыркайлар эң узак мөөнөткө сакталган эмбриондордон аман-эсен туулгандар боюнча рекордду жаңылашты. Буга чейинки рекордчу Молли 2020-жылы 27 жыл сакталган уруктан төрөлгөн.
Тимотей жана Лидия аттуу эгиздер мурда төрт балалуу ата-эненин үй-бүлөсүндө жарык дүйнөгө келишти. Жубайлар Филипп менен Рэйчел донорлук боюнча кайрымдуулук борборуна жардам сурап кайрылышкан. Адистер аларды “өзгөчө көңүл бурулгандар” категориясына кошуп, сөз болуп жаткан эмбриондорду сунушташкан.