БИШКЕК, 24-ноя.— Sputnik. Бишкекте контейнер жүктөгөн КамАЗ үлгүсүндөгү автоунаа көпүрөгө кирип бара жаткан жерде жолдун үстүндөгү темир тосмону сүздү.
Окуя 7-Апрель жана Лев Толстой көчөлөрүнүн кесилишинде болгон.
Видеодон көрүнүп тургандай, контейнер жүктөгөн КамАЗ темир тосмодон өтүп кетүүгө аракет кылган. Күбөлөрдүн айтымында, ал катуу ылдамдык менен келе жаткан. Бирок контейнер темир тосмого тийип түшүп калып, автоунаа өзү эле өтүп кеткен. Айдоочунун олдоксондугунан темир тосмо да талкаланган.