БИШКЕК, 23-ноя. — Sputnik. Түркиянын батыш тарабында жайгашкан Дюзже шаарында магнитудасы 5,9га жеткен жер титирөөдөн жабыркагандар арасында Кыргызстандын жарандары жок. Бул тууралуу Тышкы иштер министрлигинин маалымат кызматы билдирди.
Кырсык бүгүн Бишкек убактысы менен таңкы саат 07:08де болгону маалымдалган. Өлкөнүн саламаттык сактоо министри Фахреттин Коджа силкинүүдөн 22 киши жабыркаганын, бийиктиктен секирген бир адамдын абалы оор деп бааланып жатканын билдирген болчу.
Ал эми Түркиянын Ички иштер министрлиги жер титирөөдөн көз жумгандар катталбаганын айтты. Аймакта окуу бир күнгө токтотулган.