БИШКЕК, 22-ноя. — Sputnik. Индонезиянын Чианджур аймагындагы жер титирөөдөн каза болгондордун саны 268ге жетти. Бул тууралуу РИА Ноости кабарлады.
Маалым болгондой, бул аймакта мектеп-интернаттар көп болгондуктан көз жумгандардын көбү балдар.
"Аз дегенде 377 адам жаракат алып, 31и дайынсыз болууда. 2 300 үй толугу менен талкаланып калган. Мындан тышкары, зилзаладан кийин жер да көчүп, бир айылды басып калган", — деп жазылат кабарда.
РИА Новости зилзаладан кийинки жүрөк ооруткан көрүнүштүн сүрөттөрүн жарыялаган. Анда топурак алдында калган үй, автоунааларды, ыйлаган балдарды, бири-бирине жардам берген адамдарды көрүүгө болот.