БИШКЕК, 22-ноя. — Sputnik. Баткен шаарынын тарыхында биринчи жолу алты автобус алып келинди. Бул тууралуу президенттин Баткен облусундагы өкүлү Абдикарим Алимбаев билдирди.
© Фото / пресс-служба полпредства ПКР в Баткенской области
Анын айтымында, автобустарды Айыл банк тарабынан алты жылдык мөөнөткө лизинг аркылуу алышкан. Алар Баткен шаарынын калкын тейлөөгө жумшалат.
“Автобустарды туура пайдалансак, өзүнөн түшкөн акчанын эсебинен алты жылда өзүн-өзү каржылоого болот. Мындан сырткары, Дүйнөлүк банк тарабынан да Баткен облусун өнүктүрүүгө 50 миллион доллар каражат бөлүнгөн. Анын алкагында Баткен, Кадамжай жана Раззаков шаарларын өнүктүрүү жагы да каралган”, — деди Алимбаев.
Ошондой эле ал Баткен шаарындагы “Манас” комплекси жана шаардагы эс алуучу эки парк да оңдолорун белгиледи.