БИШКЕК, 21-ноя. — Sputnik. Өлкөлөрдүн тагдырын өзү билемдик менен чечип көнгөн батыш мамлекеттеринин саясаты Европаны кризиске кептеди, эми Азияга да таасирин тийгизиши ыктымал. Бул тууралуу Россиянын Федерация кеңешинин вице-спикери Константин Косачев билдиргенин РИА Новости жазды.
Ал Түштүк-Чыгыш Азия мамлекеттеринин ассоциациясынын (АСЕАН) Парламенттер аралык ассамблеясынын пленардык жыйынында сүйлөгөн сөзүндө россиялык парламентарийлер Азия элдерин ымаласы жакын ишенимдүү коңшу катары көрөрүн, аймактагы мамилени бекемдөөчү бардык нерсе колдоого алынып келгенин белгиледи.
Косачевдун айтымында, регион дүйнө жүзү адилеттүү, ачык, экономикалык кысымы, саясий опузасы жок дүйнө түзүлүшүн көздөй багыт алган маалда анын ыргагына таасир эте алат.
"Албетте, мындай өзгөрүү өзү билип тагдырларды чечип көнгөн бир катар күчтөргө жакпай турат. Бүгүнкү күндө бул глобалдуу күчтөр кризиске тушугуп турган чагы. Бирок аны мойнуна алып чара көргөндүн ордуна башка элдерди каатчылыкка кептөө аракетин көрүп келет", — деди саясатчы.
Анын айтымында, "эгер Батыш өзү демократиялык деп атаган өлкөлөр менен авторитардык деп айыптаган мамлекеттерди кайраштырганын уланта берсе Азия да Европанын кейпин кийиши мүмкүн".
Косачев Россия мындай көрүнүшкө таптакыр каршы экенин белгиледи. Сенатор дүйнөгө бүгүн чыдамкайлык, токтоолук, эпке келүүгө умтулуу, "АСЕАН өз иши менен коргоп келген принциптер" жетпей турганына токтолгон.
Парламентарийдин айтымында, АСЕАН — ЕАЭБ — ШКУ байланыштарын бекемдөө келечекте өз жемишин берет.