БИШКЕК, 16-ноя. — Sputnik. Маданият, маалымат, спорт жана жаштар саясаты министрлиги мекеме башчысы Алтынбек Максутов жана анын орун басарлары элди кайсы күндөрү кабыл аларын айтып, графигин жарыялады.
"Министр жана анын орун басарлары, департамент башчылары кайрылгандардын маселесин ыкчам чечип берүүгө аракет кылмакчы", — деп жазылат кабарда.
Кабыл алуу графиги:
Маданият, маалымат, спорт жана жаштар саясаты министри Алтынбек Максутов — шаршемби күндөрү саат 16:00дөн 18:00гө чейин;
Министрдин маданият боюнча орун басары Түмөнбай Колдошев — шаршемби, бейшемби күндөрү саат 16:00дөн 17:00гө чейин;
Министрдин маалымат жаатындагы орун басары Чыңгыз Эсенгул уулу — шаршемби, жума күндөрү саат 16:00дөн 18:00гө чейин;
Министрдин жаштар саясаты боюнча орун басары Союзбек Надырбеков — бейшемби күнү саат 16:00дөн 18:00гө чейин;
Министрликтеги Дене тарбия жана спорт департаментинин директору Канат Шабданбаев — бейшемби, жума күндөрү саат 16:00дөн 18:00гө чейин;
Министрликтеги Туризм департаментинин директору Самат Шатманов — бейшемби, жума күндөрү саат 16:00дөн 18:00гө чейин.