БИШКЕК, 14-ноя. — Sputnik. Түркиялык ЖМКлар Стамбулдагы жардырууга шектелип жаткан аялды кармаган учурдун видеосун жарыялашты.
Өлкөнүн Террорчулукка каршы күрөшүү башкармалыгы түнү менен бир катар операцияларды жүргүзүп, Истиклал көчөсүндөгү жарылууга айыпталган аялды жана башка кишилерди колго түшүргөн. Жалпысынан кылмышка тиешеси бар деп 46 адам кармалды.
Түркия полициясы теракт жасаган аял көчөгө бомба таштап кеткенин билдирген.
Эске салсак, 13-ноябрда Стамбулдун борборунда эл көп жүргөн көчөлөрдүн бири — Истиклалда жарылуу болуп, ал алты адамдын өмүрүн алган. Ал эми 81 адам жабыркаганы айтылууда. Түркиянын президенти Режеп Тайип Эрдоган аймактын губернаторунун маалыматына таянып террорчулуктун изи байкалып жатканын белгилеген.