БИШКЕК, 11-ноя. — Sputnik. Кыргызстандын Бельгиядагы элчиси болуп Айдит Эркин дайындалганын президенттин маалымат кызматы билдирди.
Тиешелүү жарлыкка өлкө башчы Садыр Жапаров кол койгон.
Айдит Эркин буга чейин Кыргызстандын Россиядагы элчилигинде кеңешчи болуп иштеген.
Эскерте кетсек, элчилик кызмат июнь айынан бери бош болчу, анда Муктар Жумалиев иштен бошотулган. Ал жумушун Нидерланддар жана Люксембургда элчи, Европа биримдигинде, Химиялык куралга тыюу салуу боюнча уюмунда жана НАТОдо Кыргызстандын туруктуу өкүлү кызматын айкалыштырып келген.