"ЕАЭБ алкагында жүк ташууларды жөнөкөйлөтүү боюнча иш жүрүп келди. Ал үчүн навигациялык пломбаларды киргизип, уюмга мүчө беш өлкөдөгү мамлекеттик көзөмөлдү азайтуу максаты коюлган. Россияга санкциялар киргизилгенден кийин РФ дагы Европадан келген товарларга чек койгон. Бул Кыргызстанга дагы терс таасирин тийгизүүдө. Ошол чектөөлөрдүн кесепетин азайтуу үчүн жолугушуулар өтүп, талкуулар болду. Белгилүү болгондой, ЕАЭБге үчүнчү мамлекеттерден товарлар кирип, ал транзит менен өтөт. Долбоор мына ошол транзиттик жүктөрдү текшерүүнү азайтат. Навигациялык пломбада товар тууралуу бардык маалымат болот, ошондой эле анын кыймылын көзөмөлдөп турууга мүмкүндүк түзүлөт. Аталган пломбалар атайын гаджетке орнотулат. Ага товар тууралуу толук маалымат киргизилет. Аны ыйгарым укуктуу органдар гаджет аркылуу окуп алат", — деди Самыкбаев.