Сузакта 26 бүлөнү үйлүү кылган социалдык айылдын курулушу башталды. Сүрөт

Социалдык комплекске демөөрчүлөр тарабынан 35 миллион сом бөлүнгөн.
Sputnik
БИШКЕК, 6-ноя. — Sputnik. Сузак районунун Кызыл-Туу айылында Бахрейн-2 айыл комплексинин курулушу башталды. Бул тууралуу президенттин Жалал-Абад облусундагы өкүлчүлүгү маалымдады.
1 / 3

Сузак районунун Кызыл-Туу айылында Бахрейн-2 айыл комплексинин курулушу башталды.

2 / 3

Билдирүүгө ылайык, социалдык комплексте 13 үй курулуп, аз камсыз болгон, жашоо шарты оор 26 үй-бүлөгө тапшырылат.

3 / 3

Мындан сырткары, мечит, ФАП, тигүү цехи жана мектеп салынат.

Билдирүүгө ылайык, социалдык комплексте 13 үй курулуп, аз камсыз болгон, жашоо шарты оор 26 үй-бүлөгө тапшырылат. Мындан сырткары, мечит, ФАП, тигүү цехи жана мектеп салынат.
"Иш-чарага президенттин Жалал-Абад облусундагы ыйгарым укуктуу өкүлү Абсаттар Сыргабаев, Дин иштери боюнча мамлекеттик комиссиясынын директору Тойгонбай Абдыкаров, "Ассанабил" кайрымдуулук фондунун башчысы Саид Баюми жана долбоордун демөөрчүлөрү, жергиликтүү бийлик, айыл тургундары катышты. Абсаттар Сыргабаев демилгени колдоого алган өнөктөштөргө ыраазычылык билдирип, социалдык айыл жергиликтүү муктаж жарандардын түйшүгүн жеңилдетерин кошумчалады", — деп жазылат маалыматта.
Бахрейн-2 айылын курууга демөөрчүлөр тарабынан 35 миллион сомдон ашуун каражат бөлүнгөн. Аны жергиликтүү бийлик колдоого алып, жер аянтын бөлүп берген. Өкүлчүлүктөн 5-октябрда Жалал-Абад шаарында биринчи долбоор ишке ашырылып, социалдык айыл пайдаланууга берилгендиги маалымдалды.
Чек арадагы жаңжал. Кыргызстан менен Тажикстандын тиреши
Тажикстандын кол салуусунан талкаланган Максаттагы милиция бөлүмү, ФАП оңдолду. Сүрөт