БИШКЕК, 4-ноя. — Sputnik. "Кыргызстандагы Петербург жолугушуусу" иш-чарасы Ленинград блокадачыларынын эстелигине гүл коюу аземи менен башталды.
Санкт-Петербургдун тышкы байланыштар боюнча комитетинин колдоосу менен уюштурулуп жаткан бул иш-чаралар Бишкек жана Ош шаарларында 9-ноябрга чейин уланат. Анын алкагында сүрөт көргөзмөлөрү, концерт уюштурулуп, тасмалар көрсөтүлөт.
Мындан тышкары, петербургдук жазуучулар Оштун чыгармачыл интеллигенциясы менен жолугуп, 8-9-ноябрда адабият мугалимдери үчүн азыркы орус адабиятындагы негизги тенденциялар боюнча курстар менен мастер-класстар сунушталат. Жыйынтыгында угуучуларга сертификат тапшырылары айтылды.