Иш-чара 3-ноябрда саат 11:00дө онлайн-форматта өтөт. Түз эфир Sputnik Кыргызстан маалымат борборунун "Вконтакте" тармагынын баракчасынан түз алып көрсөтүлөт. Тегерек стол мамлекеттик тилде болот.
Бишкектин жашоочуларынын көбүн коомдук транспорт маселеси түйшөлтүп келет. Алардын арасында коомдук транспорттун жетишсиздиги, жол кирени көтөрүү ыктымалдыгы, калааны басып турган ыш, такси кызматынын кымбаттап кетиши, аялдамалардагы элдин көптүгү жана дагы ушул сыяктуу маанилүү маселелер бар.
Кырдаалды талкуулоого төмөнкү тараптар катышат:
Абдиев Бактыбек Абышевич — Бишкектин транспорт, курулуш жана архитектура боюнча вице-мэри;
Нусувалиев Максат Орозбекович — мэриянын Транспорт жана жол транспорт инфратүзүмүн өнүктүрүү департаментинин директору;
Кайгуул милиция башкармалыгынын өкүлү;
Шабданалиев Рыспек Абдиевич — Транспорт жана коммуникациялар министрлигинин Кара жол жана суу транспорту боюнча департаменттин транспорт ишмердүүлүгүн жөнгө салуу бөлүмүнүн жетекчиси;
Маматалиев Марлен Абдырахманович — Жогорку Кеңештин депутаты;
Асанбеков Жаныбек Асанбекович — Бишкек шаардык кеңешинин депутаты, шаардык кеңештин социалдык маселелер боюнча туруктуу комиссиясынын төрагасы;
Искаков Эртай Дүйшөбекович — активист.
Урматтуу кесиптештер, эгерде сурооңуздар болсо, (0553) 28-27-97 Telegram-номерине жөнөтсөңүздөр болот. Модератор аларды түз эфирде берет.