БИШКЕК, 31-окт. — Sputnik. Бойго бүтүүгө таасир эте турган факторлорду "Известия" басылмасына акушер-гинеколог Виктория Фисюк санап берди.
"Эң башкы фактор — айыз циклинин күндөрү. Циклдин болжол менен сегиз күнү аялга овуляцияга чейин жана андан бир аз өткөндө бойдо болууга мүмкүндүк берет. Экинчиден, аялдын жаш курагы таасир этет. 30 жашка чейин жана андан кийин, бөтөнчө 35 жаштан өткөндө ар кандай көрсөткүчтөр болот. Жаш кезде, маселен, 20 жашта бардык циклдер овуляцияга жакын. Убакыт өткөн сайын овуляция үч айда бир жолу же андан аз болушу мүмкүн", — деди дарыгер.
Ошол эле учурда өнөктөштүн да жаш курагы таасир этет. Эркектерде 45-50 жаштан кийин активдүү сперматозоиддердин саны жана сапаты өзгөрөт.
"Үчүнчүсү — аял менен эркектин өтө арык же толук болушу. Адатта салмакты азайтууга кеңеш берилет", — деди дарыгер.
Чылым чегүү менен ичимдик ичүү да балалуу болууга терс таасирин тийгизет. Тамеки эркектердин урук бездеринин эрте иштен чыгышына алып барат, ал эми алкоголь тестостерон гормонун азайтат. Аялдарда бул адаттар организминде овуляцияны болтурбайт.
Ошондой эл кийген кийим да маанилүү. Дарыгердин айтымында, чыпталган шым эркектердин спермасынын сапатын эки эсе төмөндөтөт.
Адис боюнда болууга спорт менен алектенүү да жардам бере турганын, бирок күч келтире турган көнүгүүлөр аял менен эркекке тең зыян экенин эскертти.