БИШКЕК, 30-окт.— Sputnik. Кыргызгидромет агенттиги алдыдагы аптада Чүй облусунда аба ырайы кандай болорун божомолдоду.
31-октябрда түнкүсүн көпчүлүк аймактарда жаан, тоо этектеринде жана тоолуу райондордо кар жаашы ыктымал. Күндүз айрым жерлерде жамгыр жааса, тоолуу райондорго кар түшөт. 1-2-ноябрда түнкүсүн жаан-чачын күтүлбөйт. 2-ноябрда күндүн көзү бузулуп, кайра жамгыр жаашы ыктымал. 3-4-6-ноябрда күн ачык болсо, 5-ноябрда жамгыр, тоолуу аймактарга кар жаашы күтүлүүдө. Абанын температурасы күндүз 11...13 градусту көрсөтө турганы айтылды. Батыштан соккон шамалдын ылдамдыгы секундасына 4-9 метрге жетиши күтүлөт.