БИШКЕК, 29-окт. — Sputnik. 9-ноябрда Бишкектеги Токтогул Сатылганов атындагы Кыргыз улуттук филармонияда республикалык айтыш өтөт. Маалыматты республикалык "Айтыш" фондунан билдирди.
Ага ылайык, иш-чара Кыргыз ССРинин эмгек сиңирген артисти, төкмө акын, обончу, комузчу, кыл кыякчы Токтосун Тыныбековдун 95 жылдыгына арналат.
"Алдыдагы айтыш Маданият, маалымат, спорт жана жаштар саясаты министрлиги, Кыргыз улуттук "Манас" театры, Республикалык "Айтыш" коомдук фонду, Токтосун Тыныбеков атындагы коомдук фонду тарабынан президенттин "Улуттук нарк жөнүндөгү" жарлыгынын алкагында уюштурулууда. Байге фонду 1 миллион сом", — деп жазылат маалыматта.
Айтыштын тандоо туру "Манас" кинотеатрында 8-ноябрда саат 10:00дө башталат. Жарым финал жана финалдык бөлүгү 9-ноябрда Токтогул Сатылганов атындагы Кыргыз улуттук филармонияда өтөт, башталышы саат 18:00дө.