БИШКЕК, 27-окт. — Sputnik. Киев республикачылардын Конгресстин Эл өкүлдөр палатасы шайлоодо жеңишке жеткенден кийин Украинага берилчү жардамды кыскартуу ниетине түйшөлүп жатат. Бул туурасында Axios менен болгон маегинде Украинанын ТИМ жетекчиси Дмитрий Кулеба айткан.
"Бул билдирүүлөргө тынчсыздануудабыз. Алар адилетсиздик кылып жатышат. Бирок муну оңдоп, тобокелдик менен майнаптуу күрөшөбүз жана Украинага берилчү жардам кыскарбайт", — деген министр.
Басылма Американын жардам бербей калышы "Украинага урулган сокку болорун" белгилеген. Автор Эл өкүлдөр палатасынын 57 өкүлү май айында Украинага 40 миллиард долларлык жардам көрсөтүүгө каршы чыкканын билдирди. Бул сан эгерде алардын партиясы ортодогу шайлоолордо жеңишке жетсе, сезилерлик көбөйүшү мүмкүн.
Ноябрь айында АКШда Конгресстин эл өкүлдөр палатасына шайлоо болот.