БИШКЕК, 24-окт. — Sputnik. Бишкекте 150дөй адам саясатчыларды жана активисттерди бошотууну талап кылгандар жүрүшкө чыкты.
Ошондой эле алар кыргыз-өзбек чек арасын тактоодо Кемпир-Абад суу сактагычынын астындагы жерди Өзбекстанга бербөө талабын коюуда.
Жүрүш Темир жол бекетинин жанынан башталып, Эркиндик бульвары менен "Ала-Тоо" аянтын көздөй багыт алды.
Кечээ, 23-октябрда, милиция бир катар саясатчы, жарандык активисттердин үйлөрүн тинтүүгө алып, өздөрүн суракка алып кетип кайра чыгарган эмес. ИИМ Кылмыш-жаза кодексинин 36 ("Кылмышка даярдык көрүү") жана 278-беренеси ("Массалык башаламандыктарды уюштурууга даярдануу") боюнча кылмыш иши ачылганын билдирди. Кармалгандар Кемпир-Абад суу сактагычынын Өзбекстанга берилишине каршы позициясын билдирип келишкен.
Соңку маалымат боюнча, 21 саясатчы жана жарандык активист кармалганы белгилүү болду.