БИШКЕК, 22-окт. — Sputnik. Улуттук коопсуздук боюнча мамлекеттик комитетинин Баткен облусундагы аскер кызматкерлерине кызматтык батирлердин ачкычтары тапшырылды. Бул тууралуу аталган ведомстводон билдирди.
Баткен шаарында капиталдык оңдоодон өткөн 16 кызматтык батирдин ачкычын комитеттин аскер кызматкерлерине тапшыруу аземи болду.
"Аталган иш-чарага УКМКнын төрагасы Камчыбек Ташиев, Баткен облустук УКМКнын башкы башкармалыгы жана өздүк курамы катышты", — деп жазылат маалыматта.
Камчыбек Ташиев ачкычтарды тапшыруу аземинде мамлекет тарабынан алыскы тармактарда кызмат өтөгөн аскерлердин жашоо-тиричилик шарттарын мындан ары да жакшыртуу аракеттери уланарын белгиледи.