БИШКЕК, 19-окт. — Sputnik. Кыргызстандык спортчулар Айсулуу Тыныбекова, Эрназар Акматалиев жана Арсалан Будажапов эркин күрөш боюнча Дүйнө кубогуна дүйнөлүк курама команданын атынан чыгат. Бул тууралуу Бириккен күрөш дүйнөсү (UWW) кабарлады.
Турнир 10-11-декабрда Коралвилл шаарында (Айова штаты, АКШ) өтмөкчү. Дүйнөлүк курама командадан тышкары жеңиш үчүн чемпионатта беш улуттук команда ат салышат. Алар АКШ, Иран, Япония, Монголия жана Грузиянын балбандары. Кыз-келиндер күрөшү боюнча Япония, АКШ, Кытай, Монголия жана Украина.
Акматалиев 70 килограмм салмакта күрөшсө, Будажапов 79 килограмм салмакта, ал эми Тыныбекова 62 килограммдык салмак категориясында ат салышмакчы.