БИШКЕК, 16-окт. — Sputnik. Абдылас Малдыбаев атындагы Кыргыз улуттук академиялык опера жана балет театры 80-театралдык сезонун ачып, сахнада "Айчүрөк" операсы коюлду. Бул тууралуу Маданият, маалымат, спорт жана жаштар саясаты министрлиги кабарлады.
Ага ылайык, 80-театралдык сезондун ачылышында коюлган опера КР эл артисттери Владимир Власов жана Владимир Ференин юбилейлик мааракесине арналган.
"Айчүрөк" операсынын режиссеру — КР эмгек сиңирген артисти Искендер Сартбаев, дирижеру — КР эмгек сиңирген артисти Жумакадыр Каниметов, койгон сүрөтчүсү — КР эл сүрөтчүсү Маратбек Шарафидинов, койгон балетмейстери — КР Эл артисти, СССРдин мамлекеттик сыйлыгынын лауреаты Уран Сарбагышев, хормейстери — КР эл артисти Карагул Тиленчиев болду.