БИШКЕК, 16-окт. — Sputnik. Германиянын Саксония федералдык штатынын ири шаары Лейпцигде азык-түлүктүн жана энергиянын кымбатташына каршы митинг болуп өттү. Бул тууралуу dpa агенттиги жазды.
Акцияга миңдей адам катышкан. Көбү "Солчулдар" ("Левые") партиясынын тарапкерлери экени айтылды. Ошондой эле "Германия үчүн альтернатива" оппозициялык оңчул партиясынын шайлоочулары да тамак-аш менен жарыктын кымбатташына нааразычылыгын билдирген.