БИШКЕК, 16-окт. — Sputnik. Жаратылыш ресурстары, экология жана техникалык көзөмөл министрлиги Чүйдүн тоолорунда фотокапканга түшүп калган сейрек кездешүүчү жаныбарлардын сүрөттөрүн жарыялады.
Маалыматка караганда, 31 камера июнь айында Жайыл, Панфилов жана Москва райондорунда деңиз деңгээлинен 4 000 метр бийиктикте орнотулган. Фотокапканга ак илбирс, сүлөөсүн, аркар, тоо теке, бүркүт, улар, суур түшүп калган.